🐞🍃HERRITAR LAN TALDEAREN DEIALDI BERRIA

(En bas en française / Debajo en castellano)

Igandea, Maiatzak 07

11:30etatik 15:30etara       

   Lekua : Uliako Mintegien Parkea (Donostia)

EHKOlektiboaren 10. Topaketetan argi geratu zen bazegoela mugimendu honen barruan lan talde berri bat sortzeko beharra, HERRITARREN LAN TALDEA. uliako-lore-baratzak-parkea3

Lan talde honen bilkura,Donostian dagoen hiri-baratze komunitario honetan egitea proposatzen dizuegu.

Nekazal guneetan ez ezik, hiriburuetan ere badaude herritarrek agroekologia lantzen dituzten egitasmo eta espazioak, eta EHKOlektibotik hauek ezagutu eta elkarlana abiarazi nahi dugu, baserritarrak eta herritarrak bat garelako elikaduraren etorkizunaren eraldaketan.

Donostian dago Uliako Lore-Baratzak egitasmoa, hain zuzen Ulia auzoan, eta bertan auzotarrek eta bisitariek, biziz bete dute aspalditik ahaztuak ziren Udal Mintegi Zaharrak. Bi urte bete dira parkeak ateak zabaldu zituenetik, eta asko dira aurrera eraman dituzten ekintzak (ikastaro, tailer, jardunaldi) festak (urtaroetan), konposta gunea, haur-txokoa,… Hainbat “bankal” jorratzen dituzte modu komunitarioan, eta beste zenbait hiriko beste talde eta kolektiboek lantzen dituztenak, horiek denak ekologikoan noski. Ez beraz ekoizpen mailan, baina esan daiteke hiri-agroekologia lantzen duela proiektu honek, nekazaritza, eta irizpide sozio-ekonomikoak eta kulturalak bertan bat egiten dutelarik. Parkeak 14.400 m² ditu, eta txoko ugari daude bilerak egiteko, 3 negutegi eta parkeko hainbat gune!

 

agroecologia-viveros-de-ulia

Aukera ederra dugu beraz EHKOlektiboko kideak, hirira inguratu eta bertako elikadura errealitatea lantzeko. Nola ikusten dute hiritarrek Euskal Herriko laborantza? Ba al dakite agroekologia zer den? Eta nola uztartu hau elkarrekin? Baserritarrek nola ikusten dute hiria, eta horrelako hiri-baratzeak? Zubiak al dira hauek baserrietako errealitateak hirietan ulertzeko? Berpiztuko dugu landa eremuen eta hiriaren arteko harremana?

Deialdi hau EHKOlektiboko kideei (laborari eta herritarrei!) eta Uliako Lore-Baratzako kideei zabalduko zaie (bai eta agroekologian interesa duen orori), bi taldeen artean hausnarketa kolektibo bat egiteko ideiarekin. Horrela eguna bi talde desberdinetan hasiko dugu: EHKOlektiboko kideak, parkea eta egitasmoa ezagutzeko bisita bat egingo dute, eta bitartean hiritarrak EHKOren aurkezpen bat jasoko dute, agroekologia zer eta nola lantzen dugun azalatzeko.

Ondoren denak elkarrekin baina bi talde hauetan banaturik, honako galdera landuko da: “Agroekologia hirian, elikagaien kontsumoa bakarrik?” Eta hau lantzeko dinamika izango da alde batetik, hausnarketa egitea zer den agroekologia hirian, eta bestetik identifikatzea gaur egun martxan daude herritarrek bultzatutako egitasmoak. Galdera honekin giroa piztu ondoren, EHKOko beste lan taldeetan egiten den antzera urteko HELBURU AGROEKOLOGIKO bat finkatuko du talde bakoitzak, eta hurrengo ekintzak eta hitz ordu proposamenak bilduko ditugu.

herritar

0034 688867020 (Leire) – 0033 627 13 32 38 (Thomas) /

lantaldeak.ehkolektiboa@gmail.com

*Parte hartzea irekia da, kide izan edo ez, laboraria, herritarra, hiritarra…

Bilera euskaraz egingo dugu, baina ITZULPENAK izango dira, beraz hizkuntzagatik lasai egon.

Lan talde bilera hauetan parte hartzea irekia da*, baina gure antolaketa hobe batentzat zuen IZEN EMATEA beharrezkoa dugu. Horretarako idatzi edo deitu EHKOLEKTIBOAra Maiatzaren4a baino lehen:

 

Parte hartu kolektiboan, elkarrekin agroekologian hobetzen!

Sigue leyendo

BEHI-ESNE GORDIN EKOLOGIKOA

Behi-esne lan taldearen bileran herritarrek esneari buruzko duten DES-informazioaren inguruan solastu genuen (laktosari-intolerantzia, paranoia, freskotasunan). Lan handia dugu oraindik gure jakintza berreskuratu eta kalitatezko esnea gure elikadurara bueltatzeko.

EHKOlektibotik sektorearen errealitatea ezagutzera eman nahi dugu,  bideo honetan  EHKOlektiboko eta EHKO Etxalde sareko kidea den Aitor Aranburu, esne ekologikoari buruz hizketan.

Egoera gogorra ez balitz, entzungo zenuten Sorian 20.o00 buruko esnetegi bat abiarazi nahi dutela. Proiektuaren aurkako sinadurak jasotzen ari dira hemen: https://www.change.org/p/ministerio-de-agricultura-y-pesca-alimentaci%C3%B3n-y-medio-ambiente-no-al-proyecto-de-macro-granja-industrial-de-20-000-vacas-en-noviercas-soria Garrantzitsua da norbanako eta eragileok argi adieraztea horrelako proiektuen aurka gaudela, pixkanaka agintarian iritziak aldatzera ailegatu gaiezkeelako!

Egoera “gordinagoa” bihurtuz azken egunetan jakin dugu Danonek, Larraun eta Baztango 7 laborari esnea jasotzen utziko diola, mendiguneetako “kostuak” gutxitu, eta produkzioa zentralizatzeko. MANIFESTAZIOA egingo dute APIRILAK 1ea, Elizondon, arratsasldeko 5etan. INFO +

Landa-eremu bizien eta nekazaritza iraunkorraren bidean
Esne sektorea ere bizirik behar dugu!

 

ESNE GORDIN EKOLOGIKOARI BURUZ EHKOLEKTIBOAK EGINDAKO TXOSTENA: ESNE-GORDINA---EHKO-001ESNE-GORDINA---EHKO-002ESNE-GORDINA---EHKO-003ESNE-GORDINA---EHKO-004NA – EHKO

🍇🍏FRUTAZAIN LAN-TALDEAREN DEIALDI BERRIA// MARTXOAK 16 // INVITATION // INVITACIÓ

(En bas en française / Debajo en castellano)

FRUTAZAINEN LAN TALDEAREN DEIALDI BERRIA:

Martxoaren 16a, Osteguna,uva-ecologica-tempranillo

11:00etatk 16:00ra

Lekua : LEZAUN Ardotegia – LAKAR (Nafarroa)

vina_gazaga

Uharte Arakilen ospatutako topaketetan, Frutazainak bildu zirenean talde anitz baten aurrean aurkitu ginen. Frutazainak, ardotegiak, frutarbolak dituzten etxaldeak, ekoizpen desberdinak dituzten laborariak elkartzen ditu talde honek. Aniztasun hau ikusita 2017ko lehen bilera Lezaun Ardotegian egitea erabaki zuten, eta bilera hau erabili bakoitzaren errealitatea ezagutzeko eta elkarlanerako lan esparruak gehiago zehazteko.

Lezaun Ardotegian lur eta mahasti ekologiko eta biziak dituzte. Konpostatutako ardi-ximaurra erabiltzen dute ongarri bezala; plagak (Mildiu eta Oidioa), gatzekin (Azubre eta Kobrea) eta landare oinarriko (Equisetun arvense, Urtica Sp) prestaketaketekin ekiditen dituzte. Ondorioz, kalitate handiko mahats ekologikoak eta mahasti biologiko biziak lortzen dituzte, eta hauekin mahastiaren nortasuna adierazten duen ardo biologikoak.

Lan talde bilera hauetan parte hartzea irekia da*, baina gure antolaketa hobe batentzat zuen IZEN EMATEA beharrezkoa dugu. Horretarako idatzi edo deitu EHKOLEKTIBOAra martxoaren 13a baino lehen:

0034 688867020 (Leire) – 0033 627 13 32 38 (Thomas) /

lantaldeak.ehkolektiboa@gmail.com

*Parte hartzea irekia da, kide izan edo ez, nekazaritza ekologikoa egiten duen edo instalatu nahi duen oro etorri daiteke. Ostean, bilerako erabakiak hartzeko orduan, elkarteko kideen iritzia kontutan hartuko da.

Bilera euskaraz egingo dugu, baina ITZULPENAK izango dira, beraz hizkuntzagatik lasai egon.

EGITARAUA :

11:00 – 13.30 – FRUTAZAIN Lan Taldearen bilera

  • Talde berri baten sorrera? Ardozainen lan-taldea

  • Bertako barietateak, Zuhaitzen jatorria.

  • Komertzializazioa

  • Tratamendu alternatiboak Frutazaintzan

13:30 – 14:30 – Bazkaria (bakotxak ekartzen du jateko zerbait)

14:30 – 16:00 – Ardotegira bisita

Parte hartu kolektiboan, elkarrekin agroekologian hobetzen!

www.ehkolektiboa.org

(En bas en française)

NUEVA CONVOCATORIA del GRUPO DE TRABAJO DE FRUTICULTURA: Sigue leyendo

OTSAILAK 23, BEHI – ESNEDUN LAN TALDEA!

[FR] dessous
[ES] más abajo

[EUS]

EHKOlektiboaren topaketetan argi geratu zen. Laborariak modu praktikoan landu nahi dugu agroekologia, eta hau egiteko 2017 honetan jarraituko dugu bisitak eta bilerak egiten.

arg2Behi esnea ekoizten duten etxaldeentzat negua da elkartzeko garairik hoberena, udaberrian berehala asten bai dira kanpoko lanak, udaran belarretan dabiltza lanpetuak eta horregatik aurtengo negua bukatu baino lehen egingo du lehen bilera lan talde dinamiko honek.

Topaketetan, asko izan ziren interesa piztu zuten gaiak talde honetan: Jogurt zaporetsuak, destetea, tratamendu alternatiboak, forrajeak, … Analisi eta lanketa tekniko bat izan gabe, bilera hauek esperientziak elkarbanatzeko uneak dira: laborariek euren etxaldeetan egindako probak, hobetze teknikak, arazo eta buruhausteak,…. Funtsean, lagun artean hitz egin eta agroekologia lantzeko konfidantzazko guneak.

arg3

Lehen bilera hau beraz OTSAILAK 23an izango da. EHKOmugimendua, eta interesa duzuen bidelagunak Arbonara joango gera AGERREA etxaldea ezagutzera. Etxalde honetan ikusiko duguna, berrikuntza handia izango da hegoaldeko Behi-Esne ekoizle guztientzat. ADI: Belardi naturaletatik egindako infusioekin zaporeztatzen dituzte jogurtak, adibidez, intsusa eta luisa-belarra erabiliz!!

 

Gehiago jakiteko irrikatan geratuko zinaten ezta? Noski!

Bilera irekia da EHKOko kide eta lagunentzat, baina ezinbestekoa izango da aurretiaz izen ematea lantaldeak.ehkolektiboa@gmail.com helbidea erabiliz. Jarri harremanetan gurekin eta eguneko plana kontatuko dizuegu, ordutegia, bidaia nola egin, nora iritsi,…. eta datu guztiak!!

(Argazkiak, https://agerrea.jimdo.com/)

[FR]

Le groupe EHKO Vaches Laitières Sigue leyendo

Lan taldeak

Lan metodologia erabaki zen heinean, lan taldeak ere sortu dira. Etxalde bakoitzaren ekoizpen nagusiaren arabera lan egiteak, gaiak gehiago zehaztea eta lan xede berdina lurralde ezberdinetako berezitasunekin aztertzeak aberatsagoa egiten du lana.

Modu honetan, Euskal Herriko baserritarrak elkar ezagutzea eta harremanak sortzea ahalbidetzen da.

Hauek dira martxan jarri diren LAN TALDEAK:

1.Belarjale haragi ekoizleak
2.Ardi esne ekoizleak
3.Behi esne ekoizleak
4.Baratzezainak
5.Frutazainak
6.Zituak eta landaketa estentsiboak
7.Oilo, oilasko eta beste hegaztiak
8.Txerriak
9.Erlezainak
10. Senda belarrak eta aromatikoak
11.Baserria osotasunean
Azkeneko taldeak, baserria bere osotasunen aztertu eta definituko du. Talde honetan, herritarrei irekirik dago, non baserri munduarekin sentsibilizaturik, elikagai ekologikoak kontsumitzen dituzten.
DSC02533  IMGP2095
Lan talde bakoitzak bere zuhaitza definituko du!!
11 azaroa  IMGP2452

PIKUÑETA BASERRIAN, artzain topaketa eta giro jatorra nagusi!

Ardiak eta anboto   20131003 Artzain bilera (1)

Pikuñeta baserria, Antzuola eta Azkoitia artean dago, mendian, paraje lasai eta ederrean kokaturik. Urriaren hasieran, 14 bat lagun bildu ginen bertan, besteak beste, Euskal Herriko artzaintza ekologikoak bete behar dituen irizpideak definitzeko helburuarekin.

Lan talde bilera guztietan ematen den trukaketa aberatsak izan ziren bertan; lan egiteko molde ezberdinak, lurralde bakoitzeko berezitasunak, eta artzain bakoitzak bere ogibidea eta ardiak ulertzeko era ezberdinak ere.

Ezkerraren etxaldean belarra lehortzeko gela bat dago; belar bolak egin ordez, belarra % 40en lehorra dagoenean gela horretan gordetzen da, eta azpitik aire beroa jasotzen du, lehor dadin. Sistema interesgarria eta berria zenbaitzuentzat!!

20131003 Artzain bilera (5)   20131003 Artzain bilera (11)

Domaia izan zen, bakoitzari bere gazta zati bat ekartzea ez geniela gogorarazi!! Hala ere, bazkarian giro jatorra egon zen, eta tripak ondo bete ondoren lanean hasi ginen.

Beste lan taldeekin jarraitutako metodologia jarraituz, bi azpi taldeetan banatu ginen agroekologiaren gaia oso zabala izanik, hausnarketa gehiagotara iristeko eta parte hartze handiagoa sustatzeko.

Hau izan zen programa:

  • Talde txikitan EHKO zuhaitza landu
  •  Zuhaitzen aurkezpena eta adostea
  • EHKO identifikatzaileari buruzko gogoetak

20131003 Artzain bilera (13)                    20131003 Artzain bilera (19)

Laburbilduz, esan dezakegu artzainen ateratako ondorioak hauek direla:

  • Bertako arrazekin lan egitea. Baldintza hau denek bete dezakete, eta betetzen dute.
  • Elikadura autonomia maila handia, jaten duten materia lehorraren zati nagusi bat baserrikoa izatea.
  • Baserritik kanpo erosten den bazka, ahalik eta gertuenekoa izatea. Radio batean zehar, ahalik eta gehiena Euskal Herrian.
  • Sistematikoki ematen diren tratamenduak murriztea. Egungo araudiaren muga baino baxuago.
  • Ardiak urte osoan zehar, egunero kanpora ateratzeko aukera izatea.
  • Etxaldean mixitaterik ez egotea.
  • Ekoizpenak mugatzea, beste laborariei tokia egiteko.
  • Salmenta zuzena (edo bitartekari batekin) egitea, ekoizpenaren gehiengoan.
  • Helburu bezala, ekoizpen-eraldaketa-salmenta prozesuaren jabe izatea. Behintzat ekoizpenaren gehiengo zatian.
  • Gardentasuna erakustea etapa guztietan.

Azken zatian, identifikatzailearen gaia landu genuen:

-Batzuek, herritarrek informazio handiago izan dezaten ondo ikusten dute identifikatzaile bat eramatea. Beste batzuentzat garrantzitsuagoa da etxalde identifikatzea, produktua baino.

Baina orokorrean, kolektiboan engaiatzeak beren etxaldeak hobetzeko modu bat ikusten dute. Beste baserritarrekin elkar lana indartzeko, eta araudiak eskatzen dituen minimoak betetzera mugatu ordez, hobetzen joateko grina sustatzea.

Lanean jarraituko dugu!

Eskerrik asko parte hartzaile guztiei!

II. Haragi ekoizle taldearen bilera / Grupo de producción de carne / Groupe des producteurs de viande

20130820 II. Haragi  (10)     20130820 II. Haragi  (1)

Oraingo honetan, Nafarroako Aribe herrira gerturatu ginen, Juan Martin Elizondo eta Patxi Antxorenaren proiektua ezagutzera. Bata Aribekoa izanik, eta beste Garraldakoa, beste kide batzuekin elkar lanean dabiltza, zatikatze eta eraldaketa gela kolektibo bat muntatzen ari dira.

Talde honen bigarren bilera izan zen. Lehenik EHKOren irizpideak landu genituen eta ondoren zatikatze gela bisitatu genuen. Goiz bateko saioa, bazkari jator batekin borobildu genuen!

20130820 II. Haragi  (5)    20130820 II. Haragi  (8)

13 lagun elkartu ginen, horietatik 11 abeltzain-laborariak zirelarik. Lan metodologia, bi taldetan banatu eta gero egindako lana aman komunean ematea izan zen. Bi taldeak, haragi ekoizpen agroekologikoaren zuhaitza osatzen saiatu ziren. Gainera talde bakoitzak gai berezi bat landu zuen;

– Antolaketa kolektiboak; hornidura, eraldaketa eta salmenta mailan antolatzea, inbertsio eta energia gutxiago gastatzeko.

– Animaliak lotzea nola kontsideratzen da? Orokorrean ahalik eta gutxien lotzea hobe dela esan zen. Hala ere, kasu bakoitza aztertu behar dela pentsatzen da. Animalien ongizatea faktore askok osatzen dutela esan zen, ez bakarrik loturik egotea. Zer da hobe adarrak moztea edo puntak borobiltzea, edo lotzea?, arraza kontutan izan behar da. Isolatzea lotzea baino hobe edo okerrago?… neguan bazkarik ez dutenean lurrean sortu ditzaketen kalteak ere kontutan hartu behar dira.

20130820 II. Haragi  (12)    20130820 II. Haragi  (11)

Gero, talde honek zuhaitzean definitu dituen puntua hauek dira:

– Abere zama mugatu behar da. Lurraldeko errealitatea ezagutu behar da. Azterketa bat egitea proposatzen da.

– Elikadura autonomia handirantz joan behar dugu.

– Salmenta zuzenean edo hurbiltasunean egin beharko litzateke behintzat ekoizpenaren zati batean

– Salmenta nagusiki ekologikoaren izendapenarekin egitea.

– Herritarren sentsibilizazio egin, baserritarrak lan honetan parte hartu behar dutelarik.

Haragi ekoizle taldearen I. Bilera / I. Réunion groupe producteurs viande /I. Reunión grupo productores carne

IMG_1367  IMG_1389

I. Haragi ekoizle bisita Iparraldeko Ostabat herrian izan zen, Daniel Olçomendy-ren etxaldean.

Bisita

12 pertsona bildu ginen bertan, 8 abeltzain eta 4 animatzaile. Goiz bateko jarduera programatuta zegoenez, bisita eta bilera egiteko denbora gutxi egon zen.

Etxaldearen bisitarekin batera, BIOZKARIA elkartea eta beren proiektua ezagutu genuen. Daniel eta beste 7 kidek osatzen duten abeltzainen elkartea da eta elkarrekin koordinatzen dira salmentarako. Besteak beste, jantoki kolektiboekin lan egiten dute, eta elkarrekin duten koordinazioari eskerrak, ikasturte osoz zenbait ikastetxe haragiarekin hornitzeko gai dira.

IMG_1398   IMG_1403

 

Bilera

Beste taldeekin bezala, abeltzaintza agroekologikoa definitzeko 3 esparru landu ziren; arlo tekniko- ekologikoa, sozial arloa eta bertakotasuna.

Arlo tekniko ekologikoan;

– batez ere autonomia gaia eta siloko bazkari buruz hitz egin zen. Orokorrean siloa gutxitu behar zela esan zen, ganaduari gibeleko osasun arazoak ekarri ditzakeelako. Beste batzuk, autonomia maila handitzeko siloa egiteak laguntzen duela esaten dute.

– Arraza ezberdinen alde baikorrak eta ezkorrak ere landu ziren.

-Eta hurrengo bilera batean gehiago sakontzeko: animaliak lotzearen gaia eta mutilazioen gaia.

Arlo sozialean;

– Kolektiboan lan egitearen garrantzia eta gizartearekiko sentsibilizazio azpimarratu ziren

Bertakotasunaren arloan;

– Salmenta zuzena edo hurbileko salmentaz hitz egin zen. Jantoki kolektiboekiko, Iparraldean eta Hegoaldean dagoen diferentzia nabarmena da; iparraldean baserritarrak zuzenean hornitu dezakete jantokia, hegoaldean ordea catering enpresa handien bidez egin ohi da ia kasu gehienetan.

I. HEGAZTI eta TXERRI ekoizleen BILERA /I.RÉUNION des producteurs de VOLAILLES et PORC /I.REUNIÓN de productores de AVES y CERDOS

IMG_1429   IMG_1430

Maiatzaren 18, Nafarroako Arizkun herrian, monogastriko ekoizleen lehen bilera ospatu zen. Euria etengabe aritu bazen ere, 19 pertsona bildu ziren bertan. Lehenengo bilera honetan, ekoizpen arazo antzerakoak dituzten taldeak direla pentsatuz, hegazti hazleak eta txerri hazleak egun berean bildu ziren.

Lehen orduan, Mikel Altzuart laborariaren etxaldea bisitatzeko aukera izan genuen; arrautza oiloak eta ontziratze prozesua. Ondoren, herriko elkartean, lan bilera egin genuen; bi taldetan banaturik, talde batek ekoizpen teknika mailan landu zuen eta besteak bertakotasuna eta baldintza sozial maila.

IMG_1419   IMG_1439

Laburbilduz erran dezakegu hauek direla lehen bilera honetatik ateratakoak;

Ekoizpen teknika mailan:

– Eremua/ dentsitatea: Ingurunearen arabera aldakorra da, lotearen tamaina talde osoarena baino garrantzitsuago da.

– Idealean, bertako arraza rustikoak erabiltzea, nahiz eta errealitatean, gehienetan ez oso errentagarriak. Bertako arrazak gehiago baloratu.

– Elikadura oso garestia da. Kolektiboki aterabideak bilatu. Zerealistekin harremanak landu.

– Txita ekologikoa aurkitzea zaila. Bertako txita ekologikoen lanketa egin behar da.

Bertakotasuna eta sozial arloan:

– Autonomia maila handitu behar da.

– Bertakotasuna lantzeko, bertako arrazekin lan egin behar da.

– Laborantza, laborarien ogibidea behar du izan, eta ez negozio.

– Kolektiboan egoteak, beste laborariekin lan egiteak asko laguntzen du.

– Ekoizpen- eraldaketa norberak egitea: freskotasuna bermatzen da.

Bileraren ostean, bazkari goxo batekin bukatu genuen egun hartako bilkura atsegina!!

IMG_1448

Zerealisten eta okinen I. Bilera- Reunión de personas cerealistas y panaderas – Réunion du groupe céréaliers-boulangers

IMG_1331  IMG_1341

Arabako Herediako herrian hasi genuen I. Zerealista eta okinen EHKO bilera.

18 pertsonek parte hartu zuten bileran, eta beste askok interesa azaldu zuten, baina bestelako arrazoiengatik ezin izan ziren Herediara hurbildu. Urteetako ibilbidea duten baserritarretatik, lehen urratsak ematen ari direnetara, zitu ekoizle eta okinen arteko harremanak indartzea guztiz beharrezkoa dela pentsatzen duen jendea bildu ginen bertan.

Goizean, Adolfo Beltran de Guebararen etxalde ezagutu genuen; landaketak, biltegia, makineria, egiteko moduak, experientziak… batez ere, zitu ekoizpenaren alderdi teknikoaz jardun ginen.

Okariz herrian, Rosak elkartean lekua hartu zuten bilera egiteko. Bakoitzak ekarritakoa partekatuz bazkaldu genuen, eta noski, ogi, gaileta eta bizkotxoen aukera eta kalitatea ezin hobeak ziren!!

IMG_1321  IMG_1345

Hasieran, bi lan taldeetan banatu ginen. Talde bakoitzak gai bat landu, eztabaidatu zuen, eta gero aman komunean jarri genuen talde txikietan errandakoa. Bi gai hauek jorratu ziren;

  • Zerealista eta okinen ikuspuntutik, ze ezaugarri behar ditu izan bertako agroekologiak?
  • Nola landu, hobetu zerealista-okinen harremana?

Lehenengo galderari erantzunez, bertako agroekologiak dibertsifikazioa eta ingurukoekin elkar lana landu behar dela esan zen. Bestetik, orokorrean ekoizpen mixtoak soilik ekologikora pasatzearen bidea egin behar denaren iritzia zuten. Eta ogigintzan, etxeko legamiarekin lan egin behar zela esaten zuten, kanpoko altxagarriak minimoki erabiliz edo baztertuz.

Zitu ekoizle eta okinen arteko aliantzak indartzeko, komunikazioa indartu eta elkar ezagutzea beharrezkoa ikusi da.

Hildo honetan, Biolur Gipuzkoako okin taldea eta Arabako zenbait zitu ekoizleren harteko lana azpimarratzekoa da. Izan ere, beraiek jada urte batzuk daramatzate elkar lanean eta bertako ogintza ekologikoa zer den definitu dute Biolur Gipuzkoako okinek. Gaur egun, zerealista eta okinen harteko aliantzak indartzeko hitzarmen bat lantzen ari dira. Urrats batzuk aurrera dauden lan hauek, EHKOren zerealista okin taldearen jardueran asko lagundu dezakete.

Ogiaren ekoizpenaren katean, bai talde batekoek zein bestekoak, teknikak hobetu edo esperimentazioaren beharra sentitzen dute; Araban eta Nafarroan lortzen diren ogigintzarako zerealen kalitatea hobetu behar dela esan zen, ogia egiteko beharrezkoak diren parametroetara hurbilduz. Bestalde, ogigintzan ere, ogia egiteko  formula ezberdinak probatzen eta lantzen jarraitu beharra dago, bertako zituekin egungo kontsumitzaileak eskatzen duten ogi mota lortzeko.

Kolektiboko beste taldeetan bezala, zerealista eta okinek, gizarte eta herritarren sentsibilizazioaren beharra zegoela esan zen.

Hurrengo bileraren datak eta lekua finkatzeke geratu ziren, baina Iparraldeko etxalde baten bisita egitea proposatu zen.

IMG_1363  IMG_1366