AZAFRIA EUSKAL HERRIAN!

Xexili Thoureuk EHKO ETXALDE SAREKO ekoizpen xelebreena du: AZAFRAIA. Ekoizpen honen inguruan gehiago jakiteko irrikitan geunden aspalditik, eta azkenean eduki dugu Xexilirekin hitz egiteko aukera. Azafraiaren ezaugarriei buruz,  dibertsifikazioa eta ekoizpen agroekologikoaren inguruan aritu gera. Espezie honek sukaldean duen erabilpenari buruz galdetzean bere errezeta maitatuena kontatu digu!

safranlilia

Noiztik eta zer dela eta animatu zinen landere hau ekoizten?

Proiektu hau oso hilabete gutxitan jarri nuen martxan 2015ean. Azafraia = lur gutxi + nekazal-makina gutxi. Inbertsio txikia behar da pixkanaka garatzen joango den antolakuntza batekin, bereziki bulboen erosketarako. Txikitik habiatzea zen ideia eta pixkanaka haztea.

Idatzi zaharrak aurkitu dituzte ekoizpen baliotsu honi buruz!

Landare miresgarria da Azafraia!

Nolakoa da ekoizpen-zikloa?

Laborantza zikloa gainontzeko landareen alderantzizkoa da! Hostoak eta loreak udazkenean ateratzen dira, eta maiatza-uztailetik aurrera landarea lo gelditzen da. Udara pasatzen den bitartea landarea geldirik egoten da, eguzkia eta beroa hartuz. Uztailean lurrazpian biderkatu diren bulboak jasotzen dira; lehortu eta beste lursail batzuetan sartzen dira. Prozesua geldirik dagoenez, momentu egokia da, lurra lantzeko giro egokian. Aurten oso ona izan da! Irailean landareak ura behar du.

Azafrai landare batek 3-5 urte irauten ditu. Hastapenean akatsak izan nituen (sakonegi landatu nituen) eta horregatik hainbat landare ordezkatu behar izan ditut dagoeneko.

Hain ekoizpen espezifikoa izanda ¿errentagarria da, edo barazkiak ere badituzu osagarri bezala?

Azafranari ona bazara, ekoizpena errentagarria bilakatzen da 10-15 urteren buletan. Baina gehienek ez dute azafraia bakarrik landatzen. Sahalburiaren kasuan, baratze anitz bat dugu, azoketan elikagai aukera eskaintzeko. Diru-sarreren laurden bat dira gainontzeko produktu hauek.

Euskal sukaldaritzan ez dugu azafraia erabiltzeko ohitura handia, zein jakiekin nahasten duzu zuk, eta zein da zure errezeta maiteena?

Nere errezeta maiteena: muskuiluak dira! Muskuilu Klasikoak. Sukaldeketan hasi baino 3 ordu lehenago Azafraiaren pistiluak egosi (infusionatu) behar dira (3 estigma pertsona bakoitzeko, hau da pistilo 1 = 3 filamento) *Bitxikeria: 150 filamento behar dira gramos 1 egiteko!!* Muskuiluak prest daudenean, hotzean nahastuko dugu krema eta infusionatutako ura, eta nahasketa horia bihurtzen dela ikusiko dugu. Orduan muskuiluak erantsi, eta prest dugu platera! Oso erraza da! Berdin-berdin egin daiteke legatzarekin edo baita fruitu tarta baten gainetik botatzeko! Tortillan ere espeziala gelditzen da, baina kontuz! Egoste prozesuaren azken unean erantsi, aroma ez alperrik galtzeko!

Azkenik, zer da zuretzat agroekologia zure etxaldean?

Hauxe da guretzat agroekologikoki jarduteko modua: lehenik eta behin dugun lurraren ikerketa egin behar dugu, honen ezaugarriak ezagutzeko, eta lursail egokian gauden jakiteko. Ondoren dugunarekin funtzionatzen ikasi beharko dugu, kanpo baliabideak gutxi erabiliz, eta ditugun baliabideak aprobetxatuz. Sahalburian, 1.500 m2 dibertsifikaturekin frutak eta barazkiak ditugu maiatzetik abendura eta 1.000 m2 azafrai. Gure helburua jornada erdian soldata minimoa izatea da.
Badaude potentziala duten beste ekoizpen batzuk ere, erlauntzak jarri ditzakegu adibidez, baina beste ofizio bat suposatuko luke. Heskaia ere jarri genezake, baliotsua litzateke baina esfortzu eta denbora asko eskatuko luke. Etxaldean oso produktiboak diren fruitu zuhaitz handiak izateak malgutasun ekonomikoa ematen digu, sasoia hobeto pasatzeko aukera, eta etxaldeari segida ematen ahalbidetzen du (biziki garrantzitsua da hau!)

[fr]

Pourquoi t’es-tu intéressée à cette production ? Et depuis quand ? Sigue leyendo

Anuncios

OTSOKOP-ek ezagutzen!

OTSOKOP1Irudia: www.otsokop.org

[EUS]  (Debajo en castellano/dessous en français)

Ondo dakizuen bezala, EHKOlektibotikik Euskal Herrian Elikadura Burujabetzaren bidean antolatzen ari diren herritar eta laborari taldeekin elkarlana egiteko grina dugu. Asko dira han eta hemen azken urteetan sortu diren ekimen interesgarriak. Pixkana harremanak josten ditugun bitartean, zuek denokin elkarbanatu nahi ditugu ekimen interesgarri hauen ezaugarriak. EHKOlektiboko Xanek, Otsokopeko Ixabel Cassan elkarrizketatu du:

Noiz, nola, nun sortu zen Otsokop?

Hiru lagunek, Angelun, Otsokop elkartea eraikitzea erabaki zuten 2015 eko Otsailean, beraz duela 2 urte eta erdi.

Antolaketa, funtzionamendua, nun erosten dituzue janariak Zer helburuekin?

Gaur egungo kontsumitzeko manera ez zitzaien gehiago komeni. Gaurko supermerkatuetan diren produktoek izugarrizko distantziak egiten dituzte. Adibide baten emaiteko, dakigularik yogurta batek 2000 kilometro egiten dituela gure hotzgailuetan izaiteko, gure Amalurrarendako izugarrizko kutxadura hori ezin jasana da. Alta hemen bertan ekoizle miresgarriak ditugu.

Multinazionalek urruneko jendea lan egin arazten dute, babes sozialik eskaini gabe, miseria bat pagatuz, haurrak enplegatuz eta ihes fiskala erabiliz. Ekoizleak arrunt itotzen dituzte, beti eta apalago erosiz eta azken finean, ekoizleak bere produktoa 5 aldiz garestiagoa ikusten du apaletan. Diru hori, nora doa ? Multinazional eta hypermerkatu horiek gizentzen dira, itsuski hantzen, mamu ikaragarriak bilakatzen. Haien buruzagi eta akziodunak lotsagarriki aberats bihurtzen. Euskal erran zahar batek hau dio : “Dirua serbitzari ona bainan nagusi txarra”. Dirua arrunt nagusitu zaie eta zentzumena galdu dute.
Elkartean, kide bakoitzak bere boza entzun arazten du, produktoak hautatuz eta hilabetero 2 ordu eskainiz funtzionamendurako (apalak bete, eskariak egin, saldu). Langile fresik ez izaiteak ekoizlea duinki pagatzea eta produkto biologiko eta lokalak prezio oso apal batean ukaitea parada emaiten digu.

Beraz, orokorki, helburua multinazional, hypermerkatu horieri bizkarra emaitea da eta alternatiba baten eskaintzea. Nola ? Ekonomia berlokalizatuz lekuko ekoizpenak erosiz, hemengo ekozleri prezio duin batean haien produktoak erosiz, Euskal Herriak elikadura autonomo bat lor zezan eta lekuko eta biologiko elikadura prezio apal batean eskainiz.
OTSOKOP2
Gaurko egoera zoin da?

450 kide gira eta Baionako de Lattre de Tassigny karrikan epizeria bat ideki dugu asteazkenetan eta larunbatetan idekia dena. Auzo popular batean kokatu gira pertsona xumeek ere eros ditzaten ekoizpen sano eta lekukoak.

Emazteen engaiamendua…
Kide horien barne, bi herenak emazteak dira eta biziki aktiboak direnetan, hor ere emazteak gehienik. Nere iduriko, emazteek gaur atsulituki zerbait egin beharra dela ohartzen dira, ekonomia ero horrek gure iloben Amalurra suntsitzen ari bait du. Ama batek, amatxi batek, izugarrizko indarra du bere haurren geroa babesteko eta preseski, Otsokopen barne, ageri da. Orain arte, ongi barnatu genuen etxeko andere izaiten, ixil ixila, bainan larrialdi klimatiko hori ikusiz, diru eta indarkeri baloreen aurka borrokatzeko, emazteak mobilizatzen dira. Gizonak ere bixtan dena. Bainan amak eta amatxiak sutituz geroztik, kasu !

Geroa, nola ikusten duzu?
Gerorari begira, kooperatiba baten bilakatzea erabaki dugu biltzar nagusian, eta hori gauzatu eta, 500 eta 900 metra karratu arteko supermerkatu baten idekitzea Baionako Zup auzo hortan da gure xedea. Eta hor bai, egizko alternatiba bat eskaini.

EHKOlektiboa ezagutzen ote duzue?

Ez biziki untsa egia erran… Bainan Otsokopen izpirutu berean ari direla iduritzen zait.

[FR]

Comme vous le savez EHKO sur le chemin de l’autonomie alimentaire recherche à créer des liens entre citoyen.e.s et paysan.e.s ,entre associations de consommateur.trice.s

Ces dernières année snous avons assisté à beaucoup d’initiatives locales. Pour vous faire connaitre une de ces initiatives , Xane a interrogé Ixabel Cassan de Gorostarzu de Otsokop

Quand,comment,ou est né otsokoop Sigue leyendo

BIOTERRA 2017, EHKO KANTINA

Kaixo lagunok!

Asteburu honetan EKAINAK 2,3,4 BIOTERRA azoka ospatzen da Irunen!

Bioterra, produktu ekologikoen, bioeraikuntzaren, energia berriztagarrien eta kontsumo arduratsuaren Euskadiko azoka da.

info guztia duzue WEBGUNEAN

Guk informazio postua aldatu eta bisistariak elikatzen egongo gara. ENEEK-en laguntzaz, TALO postu bat ipiniko dugu eta bertan, ARTO GORRIz eginiko bioterra2017TALOAK prestatuko ditugu, txistorra, hirugiar, ardi eta behi gazta,….

EHKOlektiboko kide eta lagun guztak gonbidatuak zaudete, eta gonbidapena eskuratzeko emaielez edo telefonoz jarri zaitezkete gurekin harremanetan! EDO ADI EUSKAL HERRIKO zenbait irratsaioetako zozketetara!!!

Paseoaz aparte, postuan laguntzera etorri zaitezke, txanda batekin, EHKOri elkartasuna eskeiniz. Horretako GALDETEGI hau bete zure datuekin! ASKO ESKERTUKO DIZUGU!

ASTEBURU POLITA IZANGO DA, beraz animatu, etorri eta pasa agurtzera!

Bioterra2017-invitacion-electronica-EHKO

🐞🍃HERRITAR LAN TALDEAREN DEIALDI BERRIA

(En bas en française / Debajo en castellano)

Igandea, Maiatzak 07

11:30etatik 15:30etara       

   Lekua : Uliako Mintegien Parkea (Donostia)

EHKOlektiboaren 10. Topaketetan argi geratu zen bazegoela mugimendu honen barruan lan talde berri bat sortzeko beharra, HERRITARREN LAN TALDEA. uliako-lore-baratzak-parkea3

Lan talde honen bilkura,Donostian dagoen hiri-baratze komunitario honetan egitea proposatzen dizuegu.

Nekazal guneetan ez ezik, hiriburuetan ere badaude herritarrek agroekologia lantzen dituzten egitasmo eta espazioak, eta EHKOlektibotik hauek ezagutu eta elkarlana abiarazi nahi dugu, baserritarrak eta herritarrak bat garelako elikaduraren etorkizunaren eraldaketan.

Donostian dago Uliako Lore-Baratzak egitasmoa, hain zuzen Ulia auzoan, eta bertan auzotarrek eta bisitariek, biziz bete dute aspalditik ahaztuak ziren Udal Mintegi Zaharrak. Bi urte bete dira parkeak ateak zabaldu zituenetik, eta asko dira aurrera eraman dituzten ekintzak (ikastaro, tailer, jardunaldi) festak (urtaroetan), konposta gunea, haur-txokoa,… Hainbat “bankal” jorratzen dituzte modu komunitarioan, eta beste zenbait hiriko beste talde eta kolektiboek lantzen dituztenak, horiek denak ekologikoan noski. Ez beraz ekoizpen mailan, baina esan daiteke hiri-agroekologia lantzen duela proiektu honek, nekazaritza, eta irizpide sozio-ekonomikoak eta kulturalak bertan bat egiten dutelarik. Parkeak 14.400 m² ditu, eta txoko ugari daude bilerak egiteko, 3 negutegi eta parkeko hainbat gune!

 

agroecologia-viveros-de-ulia

Aukera ederra dugu beraz EHKOlektiboko kideak, hirira inguratu eta bertako elikadura errealitatea lantzeko. Nola ikusten dute hiritarrek Euskal Herriko laborantza? Ba al dakite agroekologia zer den? Eta nola uztartu hau elkarrekin? Baserritarrek nola ikusten dute hiria, eta horrelako hiri-baratzeak? Zubiak al dira hauek baserrietako errealitateak hirietan ulertzeko? Berpiztuko dugu landa eremuen eta hiriaren arteko harremana?

Deialdi hau EHKOlektiboko kideei (laborari eta herritarrei!) eta Uliako Lore-Baratzako kideei zabalduko zaie (bai eta agroekologian interesa duen orori), bi taldeen artean hausnarketa kolektibo bat egiteko ideiarekin. Horrela eguna bi talde desberdinetan hasiko dugu: EHKOlektiboko kideak, parkea eta egitasmoa ezagutzeko bisita bat egingo dute, eta bitartean hiritarrak EHKOren aurkezpen bat jasoko dute, agroekologia zer eta nola lantzen dugun azalatzeko.

Ondoren denak elkarrekin baina bi talde hauetan banaturik, honako galdera landuko da: “Agroekologia hirian, elikagaien kontsumoa bakarrik?” Eta hau lantzeko dinamika izango da alde batetik, hausnarketa egitea zer den agroekologia hirian, eta bestetik identifikatzea gaur egun martxan daude herritarrek bultzatutako egitasmoak. Galdera honekin giroa piztu ondoren, EHKOko beste lan taldeetan egiten den antzera urteko HELBURU AGROEKOLOGIKO bat finkatuko du talde bakoitzak, eta hurrengo ekintzak eta hitz ordu proposamenak bilduko ditugu.

herritar

0034 688867020 (Leire) – 0033 627 13 32 38 (Thomas) /

lantaldeak.ehkolektiboa@gmail.com

*Parte hartzea irekia da, kide izan edo ez, laboraria, herritarra, hiritarra…

Bilera euskaraz egingo dugu, baina ITZULPENAK izango dira, beraz hizkuntzagatik lasai egon.

Lan talde bilera hauetan parte hartzea irekia da*, baina gure antolaketa hobe batentzat zuen IZEN EMATEA beharrezkoa dugu. Horretarako idatzi edo deitu EHKOLEKTIBOAra Maiatzaren4a baino lehen:

 

Parte hartu kolektiboan, elkarrekin agroekologian hobetzen!

Sigue leyendo

BEHI-ESNE GORDIN EKOLOGIKOA

Behi-esne lan taldearen bileran herritarrek esneari buruzko duten DES-informazioaren inguruan solastu genuen (laktosari-intolerantzia, paranoia, freskotasunan). Lan handia dugu oraindik gure jakintza berreskuratu eta kalitatezko esnea gure elikadurara bueltatzeko.

EHKOlektibotik sektorearen errealitatea ezagutzera eman nahi dugu,  bideo honetan  EHKOlektiboko eta EHKO Etxalde sareko kidea den Aitor Aranburu, esne ekologikoari buruz hizketan.

Egoera gogorra ez balitz, entzungo zenuten Sorian 20.o00 buruko esnetegi bat abiarazi nahi dutela. Proiektuaren aurkako sinadurak jasotzen ari dira hemen: https://www.change.org/p/ministerio-de-agricultura-y-pesca-alimentaci%C3%B3n-y-medio-ambiente-no-al-proyecto-de-macro-granja-industrial-de-20-000-vacas-en-noviercas-soria Garrantzitsua da norbanako eta eragileok argi adieraztea horrelako proiektuen aurka gaudela, pixkanaka agintarian iritziak aldatzera ailegatu gaiezkeelako!

Egoera “gordinagoa” bihurtuz azken egunetan jakin dugu Danonek, Larraun eta Baztango 7 laborari esnea jasotzen utziko diola, mendiguneetako “kostuak” gutxitu, eta produkzioa zentralizatzeko. MANIFESTAZIOA egingo dute APIRILAK 1ea, Elizondon, arratsasldeko 5etan. INFO +

Landa-eremu bizien eta nekazaritza iraunkorraren bidean
Esne sektorea ere bizirik behar dugu!

 

ESNE GORDIN EKOLOGIKOARI BURUZ EHKOLEKTIBOAK EGINDAKO TXOSTENA: ESNE-GORDINA---EHKO-001ESNE-GORDINA---EHKO-002ESNE-GORDINA---EHKO-003ESNE-GORDINA---EHKO-004NA – EHKO

🍇🍏FRUTAZAIN LAN-TALDEAREN DEIALDI BERRIA// MARTXOAK 16 // INVITATION // INVITACIÓ

(En bas en française / Debajo en castellano)

FRUTAZAINEN LAN TALDEAREN DEIALDI BERRIA:

Martxoaren 16a, Osteguna,uva-ecologica-tempranillo

11:00etatk 16:00ra

Lekua : LEZAUN Ardotegia – LAKAR (Nafarroa)

vina_gazaga

Uharte Arakilen ospatutako topaketetan, Frutazainak bildu zirenean talde anitz baten aurrean aurkitu ginen. Frutazainak, ardotegiak, frutarbolak dituzten etxaldeak, ekoizpen desberdinak dituzten laborariak elkartzen ditu talde honek. Aniztasun hau ikusita 2017ko lehen bilera Lezaun Ardotegian egitea erabaki zuten, eta bilera hau erabili bakoitzaren errealitatea ezagutzeko eta elkarlanerako lan esparruak gehiago zehazteko.

Lezaun Ardotegian lur eta mahasti ekologiko eta biziak dituzte. Konpostatutako ardi-ximaurra erabiltzen dute ongarri bezala; plagak (Mildiu eta Oidioa), gatzekin (Azubre eta Kobrea) eta landare oinarriko (Equisetun arvense, Urtica Sp) prestaketaketekin ekiditen dituzte. Ondorioz, kalitate handiko mahats ekologikoak eta mahasti biologiko biziak lortzen dituzte, eta hauekin mahastiaren nortasuna adierazten duen ardo biologikoak.

Lan talde bilera hauetan parte hartzea irekia da*, baina gure antolaketa hobe batentzat zuen IZEN EMATEA beharrezkoa dugu. Horretarako idatzi edo deitu EHKOLEKTIBOAra martxoaren 13a baino lehen:

0034 688867020 (Leire) – 0033 627 13 32 38 (Thomas) /

lantaldeak.ehkolektiboa@gmail.com

*Parte hartzea irekia da, kide izan edo ez, nekazaritza ekologikoa egiten duen edo instalatu nahi duen oro etorri daiteke. Ostean, bilerako erabakiak hartzeko orduan, elkarteko kideen iritzia kontutan hartuko da.

Bilera euskaraz egingo dugu, baina ITZULPENAK izango dira, beraz hizkuntzagatik lasai egon.

EGITARAUA :

11:00 – 13.30 – FRUTAZAIN Lan Taldearen bilera

  • Talde berri baten sorrera? Ardozainen lan-taldea

  • Bertako barietateak, Zuhaitzen jatorria.

  • Komertzializazioa

  • Tratamendu alternatiboak Frutazaintzan

13:30 – 14:30 – Bazkaria (bakotxak ekartzen du jateko zerbait)

14:30 – 16:00 – Ardotegira bisita

Parte hartu kolektiboan, elkarrekin agroekologian hobetzen!

www.ehkolektiboa.org

(En bas en française)

NUEVA CONVOCATORIA del GRUPO DE TRABAJO DE FRUTICULTURA: Sigue leyendo

🥕 #BARATZEZAIN 🌶️ lan taldearen DEIALDI BERRIA! Otsailak 26

(En bas en française / Debajo en castellano)

Otsailaren 26a, Igandea,hazitiklilia

14:00etatk 18:00ra

Lekua : HAZITIK LILIA  – SENPERE (Lapurdi)

Uharte Arakilen izandako Topaketan Baratzezainek, lehen bait lehen bilera egiteko beharra ikusi genuen, martxa ez galtzeko, eta horrela Otsailaren 26a finkatu zen lan taldea elkartzeko. Bertan elkartu ginenak aurtengo elkarlanaren helburuetariko bat landare ekoizleen talde propio bat sortzea pentsatu genuen, gai desberdinak jorratzeko. Hortaz, bisita hau HAZITIK LILIA Iparraldeko landare ekoizle etxaldean egingo dugu.

HAZITIK LILIA  2003 urtean hasi ziren landareak ekoizten,  60 bat landare desberdin ekoizten dituzte, orotara 300 mota inguru osatzen dutenak. Bai herritarrei eta profesionalei zuzendutako ekoizpena dute, aldiz baratzezain profesionalek aintzinetik eskatu behar dituzte landareak. Laborantza ekologikoaren arauak segitzen dituzte eta baita ere EHKOlektiboak finkatutakoak.

Lan talde bilera hauetan parte hartzea irekia da*, baina gure antolaketa hobe batentzat zuen IZEN EMATEA beharrezkoa dugu. Horretarako idatzi edo deitu EHKOLEKTIBOAra otsailaren 21a baino lehen:

0034 688867020  (Leire) – 0033 627 13 32 38 (Thomas) /

lantaldeak.ehkolektiboa@gmail.com

*Parte hartzea irekia da, kide izan edo ez, nekazaritza ekologikoa egiten duen edo instalatu nahi duen oro etorri daiteke. Ostean, bilerako erabakiak hartzeko orduan, elkarteko kideen iritzia kontutan hartuko da.

Bilera euskaraz egingo dugu, baina ITZULPENAK izango dira, beraz hizkuntzagatik lasai egon.

EGITARAUA :

14:00 – 15.30 – Etxaldearen bisita

15:30 — 18:00 Lan Taldearen bilera

  • Lan talde berria sortzearen proposamena: Landare ekoizleak
  • Plastikoaren erabilera
  • Etxaldeen azterketa ekonomikoa

Parte hartu kolektiboan, elkarrekin agroekologian hobetzen!

(En bas en française) Sigue leyendo

OTSAILAK 23, BEHI – ESNEDUN LAN TALDEA!

[FR] dessous
[ES] más abajo

[EUS]

EHKOlektiboaren topaketetan argi geratu zen. Laborariak modu praktikoan landu nahi dugu agroekologia, eta hau egiteko 2017 honetan jarraituko dugu bisitak eta bilerak egiten.

arg2Behi esnea ekoizten duten etxaldeentzat negua da elkartzeko garairik hoberena, udaberrian berehala asten bai dira kanpoko lanak, udaran belarretan dabiltza lanpetuak eta horregatik aurtengo negua bukatu baino lehen egingo du lehen bilera lan talde dinamiko honek.

Topaketetan, asko izan ziren interesa piztu zuten gaiak talde honetan: Jogurt zaporetsuak, destetea, tratamendu alternatiboak, forrajeak, … Analisi eta lanketa tekniko bat izan gabe, bilera hauek esperientziak elkarbanatzeko uneak dira: laborariek euren etxaldeetan egindako probak, hobetze teknikak, arazo eta buruhausteak,…. Funtsean, lagun artean hitz egin eta agroekologia lantzeko konfidantzazko guneak.

arg3

Lehen bilera hau beraz OTSAILAK 23an izango da. EHKOmugimendua, eta interesa duzuen bidelagunak Arbonara joango gera AGERREA etxaldea ezagutzera. Etxalde honetan ikusiko duguna, berrikuntza handia izango da hegoaldeko Behi-Esne ekoizle guztientzat. ADI: Belardi naturaletatik egindako infusioekin zaporeztatzen dituzte jogurtak, adibidez, intsusa eta luisa-belarra erabiliz!!

 

Gehiago jakiteko irrikatan geratuko zinaten ezta? Noski!

Bilera irekia da EHKOko kide eta lagunentzat, baina ezinbestekoa izango da aurretiaz izen ematea lantaldeak.ehkolektiboa@gmail.com helbidea erabiliz. Jarri harremanetan gurekin eta eguneko plana kontatuko dizuegu, ordutegia, bidaia nola egin, nora iritsi,…. eta datu guztiak!!

(Argazkiak, https://agerrea.jimdo.com/)

[FR]

Le groupe EHKO Vaches Laitières Sigue leyendo

EHKOlektiboaren 10. TOPAKETAk Uharte-Arakil-en Nafarroan.

[FR] dessous

[ES] más abajo

[EUS]

Ze poza lagunartean elkartzen garenean, aspaldiko aurpegiak, kide berriak, lan-taldeetako kamaradak, bisitariak!

3terdietarako kide mordoxka bat zegoen Aralar Mendi elkartearen ateak irekitzeko itxoiten. Barruan talde eragileko kideak, merienda prestatzen buru belarri; kafea, infusioak eta pastak kideei ongietorria emateko.

IMG_20170128_161124142_HDR.jpg

Aspaldiko agurrak eta meriendarako tarte bat eskaini ondoren 4etan asi genuen topaketa. 2016Ko ibilbidea errepasatzeari ekin genion, antolatutako ekintza, jarduera, azoka, bideoa,…. asko dira EHKO ikusi eta entzun diren espazioak!! Orokorrean, urteko ekintzak ondo atera dira eta balorazio ona egin dugun arren barne mailan sendotu eta errotzeko beharra dugula antzeman dugu.

Jarraian 2017ra begira talde eragileak dituen zenbait proposamen aurkeztu ziren. EHKO mugimendua den heinean lurralde batetik bestera ibiltzeko beharra du, eta pasadan urtean Bizkaira hurbildu zen bezalaxe aurten Araba eta Nafarroan nahi dugu egin esfortzu berezia. Jada 60 dira EHKO etxalde sarea osatzen dutenak, baina gure herriko burujabetza indartzeko, sare hau ondo josi behar dugu. Horretarako Euskal Herriko hegoaldean eragile eta laborari gehiago beharko ditugu. Beraz 2017ko azoka Gasteizen egiteko asmoa dugu, eta bertako eragileekin lana estutzeko!DSC_6109.JPG

Dinamikoagoa bihurtu zen bilkura LAN TALDEETAN banatu ginean. 9 talde egin ziren: ARTZAIN, BEHI-ESNEDUN, BARATZEZAIN, FRUTAZAIN, ERLEZAIN, ZEREAL OKIN, MONOGASTRIKO, HERRITARRAK eta BASERRIA BERE OSOTASUNEAN. Talde bakoitzak, barne funtzionamenduaz hausnartu zuten, eta ondorioz talde bakoitzeko arduradun bat finkatu zen. Lan talde batzuk 2017ko bilera eguna eta tokia finkatu zituzten.

Laister zabalduko dizuegu LAN-TALDEEN egutegia!!

Bukatzeko talde eragilea eta onarpen komisioa osoatzen duten kideak aurkeztu ziren, eta gaur egun EHKOlektiboak Araba eta Nafarroako ordazkariak izateko beharraz hitz egin zen.

Eguna borobiltzeko otordu ederraz gozatu genuen, kideen ekarpen eskuzabalekin!! Iparraldetik Axoa dastatu geneuen, okinek, ogi bereziak ekarri zituzten, artzai eta behi-esne ekoizleak, gazta, eta hori dena sagardo eta ardoz bustirik. BAPO!!IMG_20170128_163625667.jpg

Eskerrik asko hara hurbildu zineten guztioi eta bereziki, antolakuntzan zein ekintzetan modu aktiboan parte hartu zenuten guztioi!!

10.Topaketen ARGAZKI BILDUMA

EHKO topaketen deialdia 28/01/2017 eitb-ko LANDABERRI saioan kontatu genuen, eta baita Xaloa telebistan 33:35 minututik aurerra..

Sigue leyendo